Natigilan ako nang makita kong nakikipag-usap si Vaughn sa kaniyang mga kapatid. Ngayon ko lang sila nakita muli pagkatapos nang matagal na panahon. Ang nagbago lang sa kanila ay ang pangangatawan nila. Mas naging malapad ang kanilang katawan ngunit ang kanilang mga muscle naman ay mas lumaki. Ang ugali? Ganoon pa rin.
"Ate!" sigaw ni Vile sa akin.
Naramdaman niya yata ang akin presensya kaya kahit ayaw kong sirain ang kanilang moment, wala na akong magagawa dahil nakita na ako ni Vile.
Natigil tuloy sa pag-uusap ang dalawa niyang kapatid hanggang sa naramdaman kong napalingon sa akin si Vaughn. Marahil ay nagtataka siya kung bakit ako bumaba ng aming kuwarto. Ngunit masisisi ba niya ako? Buntis ako, wala akong pasensya. Ang sabi niya ay magluluto lang siya pero umabot na nang isang ora
