MATAGAL pang nakatitig si Enton sa dalang tray bago nito sinagot ang tanong ni Akie. Makikita rin sa mukha nito na wala itong ni anong tinatago sa dalaga at nagsasabi ito ng katotohananan. Napabuntonghininga muna ito bago nagsalita.
"Hindi ba obvious na kumain ako kaya may dala akong tray?" kunot ang noo na sagot nito sa dalaga na napatitig pa sa hawak na tray.
"Dito sa garahe? Dito ka kumain?" giit naman Akie na halatang hindi makapaniwala sa naging sagot ni Enton.
"Bakit masama ba kung dito ako kakain?" Balik-tanong ni Enton na napakamot pa sa batok nito.
Nangunot ang noo ni Akie habang pinagkatitigan ng mabuti ang itsura ni Enton. Mukhang hindi naman ito nagsisinungaling pero ewan ba niya pero parang hindi siya kumbinsido sa sagot ng lalaki. Sa lawak naman kasi ng bahay bakit naman
