Ako na iyong nagkusa na sumadya sa may-ari. Kailangan kong makausap ang anak ni Mang Temyong para tantanan na niya iyong Tatay ko.
"Tao po! Tao po!" Hiyaw ko habang kinakatok ng barya ang bakal na gate. "Kuya Boring! Tao po!"
Isang lalaking busangot ang mukha ang lumabas sa may teresa. Halatang hindi niya nagustuhan ang nakita. Akala niya ba gusto ko rin siyang makita? The feeling is mutual.
"Bakit?" masungit niyang tanong. Mabagal siyang naglakad palapit sa gate. "Anak ka ni Mang Apen."
"Opo." Tumango ako. "Narito po ako para sana makiusap na tantanan niyo na iyong Tatay ko at hayaan niyo siyang makaani. Huwag ho kayong mag-alala at huli na iyon."
Isang mapanuyang ngiti ang sumilay sa kanyang labi. Sa klase ay mukhang hindi talaga gagawa ng matino. Malaki ang tiyan niya at namumula
