Nagising ako kinaumagahan na nanginginig ang katawan sa ginaw. Sumilip ako sa bintana, maaraw naman. Saka ko napagtanto na nilalagnat pala ako nang maramdaman ang init ng sariling hininga.
Umubo-ubo ako, baka kasi inuubo lang. Pinakiramdaman ko ang aking ilong, suminghot pa nga. Ngunit wala namang barado o masakit. Kung kailan naman tatlong araw na lang ay babalik na ako sa trabaho, saka pa ako nagkasakit.
Ngiwi ang gumuhit sa aking labi nang pumihit ako upang makabangon. Ang sakit ng katawan ko, lalo na iyong nasa pagitan ng aking mga hita.
Bakit ganito? Hindi naman ganito kasakit kagabi, ah?
Pinili kong bumangon para sana makaihi. Kaso, paano ako iihi kung hindi pa yata ako makakalakad nang maayos?
"'Tay! 'Tay!" Wala akong nagawa kundi ang tawagin si Tatay.
Agad na nagbukas an
