Natigilan ako sandali ngunit wala na ring nagawa dahil siya naman iyong masusunod. Mamaya ko na lang tatanungin kung ano na namang trip niya at babalik ako roon.
"Good." Dagdag niya pa bago ako tuluyang iwan sa pinto ng purchasing department office.
Hindi ko natuloy iyong pagbati ko ng isang magandang umaga nang mapansing kumpulan ang mga purchasing staff sa isang lugar. Para silang nalugi. Byernes santo ang mga mukha at mukhang stress na stress.
Mabilis ako humakbang papalapit sa kanila. "May problema po ba?" tanong ko.
"Iyong payment order issue pa rin. Ni-charge kasi ng CEO sa buong department."
Dapat hindi na ako nagulat na may pagbabago sa macha-charge roon sa p.o pero hindi ko inakalang lahat. Sa isang banda ay natuwa ako dahil marami kaming maghahati, ibig sabihin, liliit an
