Ryle
Habang tahimik na nagbabasa ng kaniyang notes si Ryle, hindi niya maiwasang hindi mapakinggan ang pinag-uusapan ng dalawang babae malapit sa kinauupuan niya rito sa may student park.
Napalingon siya sa dalawang bagong dating na babae. Si Aimee pala iyon na may kausap na babaeng may maikling buhok.
Pinag-uusapan ng dalawang babae ang problema tungkol sa pamilya ng babaeng kausap ni Aimee.
"Grabe naman 'yang mga magulang mo. Ni hindi man lang nagpakita ng concern sa 'yo. Hindi sapat na dahilan 'yung wala silang pera at hirap sila sa buhay para ipamigay ka lang ng gano'n-gano'n sa ibang pamilya," wika ni Aimee sa kausap.
"Gano'n talaga, Aimee. Mabuti na lang sa mabait na mag-asawa ako napunta. Kaya lang naiinis na ako do'n sa panganay nila na lalaki. Napaka-bossy. Saka napakatamad s
