Aimee
"Water break muna, girls," sigaw ng kanilang captain cheerleader. Pawis na pawis na rin ito at kakikitaan ng pagod.
Tumigil muna sila sa pagpa-practice ng cheer dance. Ilang oras na rin silang nagpa-practice matapos ang kanilang klase kanina.
Nagpunas siya ng pawis gamit ang kaniyang dalang face towel. Nakaramdam siya ng pagod sa walang tigil nilang practice simula pa kanina.
"Nakakapagod," wika ni Kelsey. Bumuntong-hininga pa ito.
"Kaunting push pa, mape-perfect na natin," wika naman ni Lauren.
Naupo muna sila ng kaniyang mga kamiyembro para magpahinga. Puspusan na kasi ang kanilang pag-eensayo para sa nalalapit na sportsfest. Mamaya ay may mga mahihirap na stunts silang gagawin.
Paulit-ulit nilang ginawa ang ilan sa mga stunts na mahihirap. Kaya naman tagaktakan na ang pa
