ISANG GABI, araw ng Sabado, habang tinatapos ang kaniyang lesson plan para sa susunod na linggo ay sinubukang tawagan ni Alpha ang nobyong si Hunter. Kaninang umaga ay nag-text ito sa kaniya at tinawagan niya ito para sabihing mag-ingat sa mga lakad nito at siya naman ay buong maghapong may aasikasuhin. Malapit na kasi ang periodical exams kaya abala siya sa paggawa ng mga test at early computation ng quizzes at iba pang component ng grades.
Ganoon ang habit niya sa trabaho, para kung matapos na niyang i-check ang exams ay ipi-feed na lang niya sa Excel sheet na may formula ang score ng mga bata at agad ay computed na ang grades niya.
Kasalukuyan siyang tutok na tutok sa ginagawa nang makarinig ng tatlong katok sa pinto ng kaniyang silid.
“Bukas iyan,” aniya sa malakas na tinig.
Bumuk
