“Babe, sino ba kasi ang babaeng iyon, ha?”
Pero hindi niya ito pinansin. Nanatiling nasa asawa ang mga mata niyang halatang hindi mapakali. Hindi pa nga siya nakakapagsimula ng maayos kung paano suyuin at makabawi kay Iran, heto't dadatnan pa nitong nasa bahay ng mga magulang si Cherry.
Akmang lalapitan niya sana si Iran nang maudlot iyon dahil sa talim ng mga mata ni Nay Sandra. Idagdag pa si Tiffany na parang gusto nang lumabas sa balat nito at upakan ang babaeng dikit ng dikit sa kaniya.
"Creed, teka sandali. Saan mo ako dadalhin?"
Dahil sa malapit nang mapikon, bago pa ma iyon mangyari'y kinaladkad na niya ang babae palabas ng bahay. Kuntodo ito sa pagpupumiglas pero wala din itong nagawa nang hawakan niya ng mariin at pigilan ang babae sa mga balikat nito.
"Cherrie, pakiusap.
