Napangiti ako habang tinititigan sina Mama at Papa habang naliligo kami sa ulan. Hanggang sa maupo kami at punasan ako ni Mommy. Maging si Daddy ay pinunasan niya ng tuwalya. Malaki ang kanilang mga ngiti sa labi habang nakatitig sa isa’t isa. Masaya ako habang nakatingin sa kanila, habang nakangiti rin nang malapad. Walang masidlan nang galak ang aking puso habang ninanamnam ang sandaling ito.
Sa wakas.
Ito na ang pinakahihintay kong pagkakataon. Ang pinakahihintay kong mangyari.
Nang matuyo na ako ni Mommy kinarga niya ako saka tumayo.
Tiningnan ko si Daddy saka nginitian. “Daddy, sa loob po tayo. Malakas pa ang ulan sa labas.”
Tumango naman siya at sumunod sa aming likuran ni Mommy.
“Drink your milk, Noah. Para hindi ka magkasakit.” Pumunta si Mommy sa kusina saka kumuha ng isa
