Nagising ako sa ingay mula sa labas pati na rin nang dahil sa usok na umiikot sa buong kampo. Lumabas ako ng tent ko upang tignan kung anong nangyayari at saan galing ang usok. Nakita ko naman na nagluluto ang iba sa kanila at nagsisimula na silang kumain. Wala kaming orasan sa lugar na 'to pero ang hula ko ay tanghaling tapat na ngayon.
Ilang minuto lang ang lumipas ay bigla akong nakita ni Rogan na nakatayo lamang malapit sa tent ko kaya agad niya akong sinenyasan at tinawag upang yayain kumain. Ngumiti naman ako sa kaniya at tumango sabay lapit na rin dito sa kanila. Binigyan ako ng plato ni Tomas habang pinagsasabay niya ang pagluluto. Tinanggap ko naman ito at nagpasalamat atsaka kumuha ng kaunting laman ng niluluto niyang pagkain.
"Umalis na ba sila?" Tanong ko kay Rogan habang n
