Pagkatapos kong magpalit ng damit ay hindi na ako nag-aksaya ng oras pa at bumalik na sa labas upang kausapin ang isa sa kambal ng House of Gemini. Hanggang ngayon ay hindi pa ako sigurado kunganong pangalan niya pero alam kong Tamsin at Tomas ang pangalan ng magkambal. Lalaki ang lumapit sa akin kanina kaya baka ang pangalan ng kakausapin ko ngayon ay Tomas.
Pagkalapit ko sa kaniya ay agad niya akong itinuro sa bandang parte ng kampo na may kalayuan sa iba. Hindi na rin kami masyadong pinapansin ng mga kasama namin dahil ang iba sa kanila ay nagsisimula nang mag-ayos ng mga bakod ng kampo, habang ang iba naman ay kinakausap si Rogan at mukhang tinatanong siya sa kung anong nangyari sa aming lahat sa loob ng kagubatan na 'yon.
"What did he say? Nasaan na raw siya ngayon?" Kaagad kong t
