Nangunguna sa amin ngayon si Lorse sa pagtakbo palabas ng templo. Kaming apat ay nanatilig tahimik habang tumatakbo dahil pinipilit namin na huwag gumawa ng kahit anong ingay. Hindi ko rin talaga alam kung anong kayang gawin ng mga mga Estiliato pero mukhang may ibubuga rin sila katulad ng mga Whakaraua kaya ganito nalang ang pagaalala nilang lahat.
Habang tinutungo namin ang madilim na daanan na ito ay hindi naman maalis sa isip ko ang maliit na posibilidad na kanina pa tumatakbo sa isip ko. Alam kong mali ang ginagawa ko ngayon dahil hindi naman ito ang dahilan ng pagpunta ko sa lugar na 'to, andito ako para ipanalo ang Upbringing para maging isa sa mga councilor pero bakit tumatakbo at nas binibigyan pa ng importansya ng utak ko ang isang bagay na wala namang katuturan at baka maglaga
