“WHAT?” natatawang tanong ni Rayven kay Sydney nang makita siya nitong nakatingin ng masama rito.
“At nagtanong ka pang bwisit ka?”
Paanong hindi siya maiinis dito? Ayaw siya nitong paalisin sa lugar na iyon. Ayaw siya nitong bumalik sa mansion ng Tita Tina niya. Ilang beses na niyang sinubukang tumakas sa bahay nito ngunit ang damuho, pinatambay nito ang mga guard dogs nito sa mga lugar na pwede niyang labasan.
Kung nakamamatay lang ang tingin niya baka kanina pa ito bumulagta sa kusina. Kasalukuyan kasi itong nagluluto ng pagkain nila nang mga oras na iyon. Gustuhin man niyang magluto ngunit hindi siya nito pinayagan. Baka raw kasi magdilim ang paningin niya kapag nakahawak siya ng kutsilyo at kung ano raw ang magawa niya. And worst, baka raw sunugin niya ang bahay nito. At
