“PAKIPASOK na lang ‘yang mga pagkain, salamat,” nakangiting sabi ni Sydney sa lalaking nagdeliver ng food ni Rayven nang mabungaran niya ito pagkabukas niya ng pinto.
Agad naman itong tumalima. Tulak-tulak ang food preparation cart ay pumasok ito at inihinto iyon sa tapat ng table na nandoon.
“Ma’am iiwan ko na lang po muna itong cart dito. Kapag tapos na po ninyong kainin, ilagay niyo na lang po sa labas para makuha po namin mamaya.”
“Sige, magkano lahat?” tanong niya at mabilis na kinuha ang wallet sa bag. Agad naman nitong ibinigay sa kanya ang resibo. Nang makita niya ang mga numerong nakalagay doon ay dumampot siya ng ilang libo sa wallet at iniabot ang bayad dito. “Keep the change.”
“Thank you ma’am.”
Tinanguan niya ito. Nang umalis na ito ay agad niyang inilock ang pinto at bum
