HINDI alam ni Sydney kung gaano na siya katagal na nakatayo sa terrace ng room nila nang marinig niya ang pagbukas ng sliding door. Kumunot ang noo niya. Marahil ay nagising ang pamangkin niya dahil wala siya sa tabi nito.
“Can’t sleep Zharic-” Natigilan siya nang makita kung sino ang nakatayo roon. “I-Ikaw pala,” aniya nang makita si Rayven. Matapos nitong isara ang pinto ay naglakad ito palapit sa kanya at nakapamulsang tumanaw rin sa dagat matapos itong tumabi sa kanya. Hindi niya maintindihan ngunit nilukuban ng kaba ang dibdib niya dahil sa lakas ng presensiya nito.
“Can’t sleep?” tanong nito maya-maya.
“Yeah, sort of,” sagot niya at ibinalik ang tingin sa dagat. “Epekto ng kapeng ininom ko kanina sa restaurant,” pagsisinungaling niya. Sa totoo lang hindi naman talaga siya umiinom
