ALAS-OTSO ng umaga ay nasa Manila na ulit sina Matthew at Andrew. Nagsi-uwi muna sa sari-sariling mga bahay para makapagpahinga at makapaghanda sa lunch business meeting with foreign investors at board meeting pagkahapon. Si Andrew ay umuwi sa mansyon ng mga magulang at si Matthew naman ay sa sa mansyon ng mga magulang na umampon sa kanya. Bagama't kaya na niyang magpatayo ng sariling mansion ay mas pinili niyang manirahan pa rin sa tahanan ng mga magulang. Gusto niyang panatilihin sa puso't isipan ang mga magagandang alaala sa panahong nabubuhay pa ang mga ito. Kaya hindi niya maiwasang magbalik-tanaw sa nakaraan.
Trese anyos siya ng makuha nila Don Alejandro at Donya Luisa Forteza sa bahay-ampunan. Katulad ng karaniwang ginagawa ng mga namamahala sa Orphanage kapag may bisita na guston
