Ilang araw ko ng ‘di nakikita si Calvin matapos ang insidenteng nangyari sa pagitan naming dalawa.
Hindi ko alam kung iniiwasan ba niya ako o sadyang galit pa rin siya sa akin dahil sa pangyayaring ‘yon.
Aaminin kong sa loob ng ilang araw na ‘yon ay parang hinahanap-hanap ko na rin ang kaniyang presensiya. Ni hindi na ako mapakali sa loob ng silid.
Panay lamang ang buntonghininga ko hanggang sa mangalumbaba ako sa may ibabaw ng mesitang narito sa loob ng silid ko.
Nahagip ng paningin ko ang nakasabit na roba ni Calvin na siyang ipinasuot niya sa akin. Dahil alam kong wala pa ang binata, naisipan ko na lamang dalhin iyon sa loob ng kaniyang kwarto.
Maingat kong kinuha ang roba saka lumabas ng silid ko upang magtungo sa loob ng kwarto ni Calvin habang wala pa siya. Alam ko namang gabi
