IPINAGPASALAMAT ni Jasmine na sa pagbalik niya sa grupo ay nag-i-enjoy pa rin ang mga ito.
Kinuha muna niya ang baso ng juice at sinaid iyon para kumalma ang kanyang dibdib.
Idinahilan niya sa mga magulang na wrong number ang tawag at naganyak siyang libutin ang itaas kaya naantala ang kanyang pagbalik.
Nagsasalo na silang apat sa hapunan nang mula sa screen door ay sumulpot si Oliver.
“Oliver, halika na. Bakit ngayon ka lang?” nakangiting salubong ni Caroline.
“Nagpaturo pa ako ng AutoCad kay Joey,” pormal na sagot nito at dumulog na rin sa hapag.
Hindi sigurado si Jasmine kung nahalata ng mga kasama ang bigla niyang pagkaasiwa.
Ilang minuto matapos ang hapunan ay siya na ang nag-aya sa mga magulang na umuwi na. Magalang niyang tinanggihan ang pag-anyaya ni Caroline na magkape. Ipi
