Twenty
Jake...
Nagising siya na parang binabarena ang ulo niya sa sobrang sakit. Hindi na niya maalala kung anong oras na sila natapos ng inuman nila Sur. Samantalang dalawa lang naman silang uminom sa palagay niya madaling araw na sila tumigil.
Hirap pa siyang imulat ang mata niya, mahapdi pa ang mga iyon pero kailangan na niyang tumayo baka mapagalitan siya ni Carla kapag nalaman nitong hindi siya umabot sa kwarto nila. Kahit pa naman alam niyang pinayagan siya ni Carla hindi naman niya dapat samantalahin ito.
Nakunot ang noo niya ng mapansin na nasa loob naman pala siya ng kwarto ang buong akala niya nasa sala o sa mismong likod bahay sila nakatulog ni Sur.
Hinatid siguro ako ni Sur.
Nakahinga naman siya ng maluwag ng malaman na nasa kwarto naman pala siya. Umayos siya ng higa at
