F R I T Z
"SALAMAT sa ginawa mo noon. I really owe you," sabi sa akin ng babae sa tabi ko.
"Matagal na 'yon. Walang anuman," sabi ko habang inaayos ang buhok ko sa salamin dito sa comfort room.
"Ako nga pala si Lea," pagpapakilala niya. Siya 'yong babaeng muntik nang paalisin ni Dexter pero hindi naituloy dahil pinutol ko siya sa pagsasalita.
"I'm Fritz — "
"Fritz Samantha Tolentino, right? Can I call you Sam or Samantha? Mas bagay iyon sa 'yo," may ngiting sabi niya habang nakatingin sa akin. Ngumiti rin ako pabalik.
Mukhang mabait naman siya kaya hahayaan ko na siya sa kung anong itawag niya sa akin. Bihira lang din ang nakakaalam ng buong pangalan ko. Kadalasan sa nakakaalam ay 'yong mga taong interesado akong makilala.
"Birthday ng kasamahan natin mamaya, matutuwa iyon kapag su
