WALA namang kasalan na naganap. Sapilitang pirmahan lang ang nangyari kaya walang honey-honeymoon.
Ano siya sinuwerte?!
“Maria, bakit doon lumabas ang asawa mo kanina sa kwarto ni Dwayne? Hindi ba't dapat ay magkatabi kayo?” sunod-sunod na tanong ni Ama matapos kong lumapit sa mesa upang kumain sana ng agahan.
Pero nawalan na agad ako ng gana. Ang aga-aga kasi ay si Yevhen na agad ang pinag-uusapan namin.
“Ama, akala ko ba ay galit kayo sa kaniya?” Tumaas ang aking isang kilay habang kinikilatis ko nang mabuti ang ekspresyon sa mukha ng aking ama.
“Aba! Galit na galit nga. Ni ayaw ko ngang makita ang pagmumukha ng lalaking iyon,” depensa ni Ama bago niya sinimsim ang kaniyang kape.
Kumunot tuloy ang aking noo.
Parang hindi talaga ako kumbinsido.
“Bakit hindi na lang natin pauwiin n
