Nakatitig lang ako kay Andro habang kausap ito nang asawa ni Crisler. Mukhang seryoso ang pinag-uusapan nila. Nalaman ko kanina na magkakilala pala si Andro at Ciara. Dati siguro silang magkasama sa work. Dating pulis din si Ciara kaya hindi iyon malayong mangyari.
"Corrine, okay ka lang ba talaga?" Tanong sa akin ni Crisler na nasa tabi ko lang. Tumingin ako sa kaniya tapos umiling. Bumuntong hininga naman siya bago lumapit sa akin at yakapin ako. Bigla na naman akong naiyak. Ang sakit-sakit kasi.
Sobrang sakit noong nakita ko ang reaksyon ni Andro kanina, halatang galit na galit siya. Mas matatanggap ko pa sana lalo ang galit niya kung ako mismo ang nagsabi sa kaniya.
Hindi ko alam at hindi na rin ako aasa kung hindi ako mapapatawad ni Andro. At alam ko rin na kulang ang salitang s
