-Natalia-
"PAGNAKUHA ka n'ya ulit ay siguradong hindi ka n'ya papakawalan," saad ni James.
Gusto ko rin iyon, gusto kong manatili sa tabi ni Gray dahil mahal ko s'ya, pero gusto ko na pagnagkasama ulit kami ay buo na ang tiwala namin sa isa't isa.
"Sa bahay ka na lang muna. Hindi ka n'ya masusundan doon," offer ni James sa akin.
Naglalakad kaming dalawa sa gilid ng kalsada. Nginitian ko si James dahil sa pag-aalala n'ya sa akin, pero kung sa kan'ya ako titira ay baka lalo lang s'yang idamay ni Gray.
"Mayroon akong titirahan," pagtanggi ko.
Tumango s'ya sa akin kaya tumigil ako sa paglalakad ko; inangat ko ang kamay ko para makipag-shake hands kay James. Naging mabuti s'yang kaibigan sa akin, pero dahil sa balak kong gawin ay baka madamay lang ito.
"Magkikita pa tayo, right?" nakangi
