-Natalia-
"HINDI mo naman ako kailangan samahan."
Nasipat ng mata ko ang hindi ayos na kwelyo ni Gray kaya naglakad ako palapit sa kan'ya para ayusin ang kwelyo n'ya.
"Mukha kang mabait na tao sa suot mo," nakangiti kong puri.
Naka-formal suit si Gray dahil sa trabaho n'ya ngayon. Nagkaroon ng korte ang labi ko dahil ng yakapin ako ni Gray. Naamoy ko tuloy ang mabango nitong pabango.
"Mabait naman talaga ako," saad n'ya sa akin. Inangat ni Gray ang mukha ko paharap sa kan'ya. "Gwapo pa" dagdag nito bago ako halikan sa labi ng isang mabilis.
"Dahil sa sinabi mong iyan ay lalo ko pa tuloy gustong sumama," nagpapa-cute kong sagot.
"Maiinip ka lang doon," sagot n'ya sa akin.
Nanliit ang tingin ko kay Gray dahil ayaw n'ya talaga akong pasamahin.
"Why?" nakangisi nitong tanong sa akin.
