FIOLEE's POV
Ginabi na ko dito sa park, kakaisip sa mga dating memories naming dalawa. Nag e-emote ako dito habang nakatingin sa langit tapos bigla na lang tutugtog ‘yung background music na All of the star ni Ed Sheeren, na para bang nang-aasar ang tadhana sa bawat nangyayari sa buhay ko. Nakakaloka pero minsan dinadaan ko na lang sa tawa para hindi naman masyadong mabigat sa pakiramdam.
“Honey thank you dito sa kwintas ah.” napatingin ako sa mag jowa na kakadaan lang, ang sweet nilang tignan kahit mukhang cold ‘yung guy tapos pinakita niya ‘yung kwintas na halos parang katulad ng kwintas na binigay sa’kin ni Marshall nung graduation namin.
Dumaan ang debut ko pero ‘yung pinapangarap ng bawat babae sa 18th birthday nila ‘di ko naranasan. Nag celebrate lang kami ni mama at wala ng iba,
