KAILEA
He can walk!
Hindi ako makapaniwala habang nakatingin kay Yuji na maayos na maayos na naglalakad palapit dito sa pwesto namin samantalang kahapon lang ay kung hindi sa tulong ng crutch ay hindi niya magawang maglakad ng nag-iisa!
Anong ginawa niya at nagawa niyang makalakad ng maayos sa loob lang ng isang gabi?!
“Ang gwapo ni Sir Yuji…”
Natigil ako sa pagsunod ng tingin kay Yuji nang narinig kong bumulong ang secretary kong si Tamara. Agad na nilingon ko siya at nagtatakang tiningnan. Kahit pabulong lang ang pagkakasabi niya ay narinig ko na tinawag niya sa pangalan si Yuji. Wala akong kaalam alam na pupunta rin siya dito. Nagkita pa kami kahapon sa unit niya pero wala man lang siyang nabanggit sa akin na pupunta siya dito sa event!
Sinadya niya bang hindi sabihin sa akin o h
