“Pwede pumasok? Ahmm… may sasabihin lang sana akong importante.” wika ni Camille na noon ay nabungaran ni Ellerie sa harapan ng pinto ng kanyang silid.
“Ano iyon? Pwede bang sabihin mo na lang dito, ano kasi medyo inaantok na ako kaya nais ko na magpahinga.” walang ganang wika niya dito
Ang totoo wala siyang balak na makipag-usap dito at wala siyang plano na makipag-plastikan sa babae. Ayaw niya makausap ito at sa totoo lang wala naman dapat silang pag-usapan na dalawa.
Kaya hindi niya maintindihan ang babae kung bakit tuloy pa rin na pinagsisiksikan ang sarili nito sa kanya.
Hindi naman siya naniniwala na agad-agad eh mabait na ito at tuluyan ng nagbago, kaya maganda na ang pakikitungo nito sa kanya. Nagawa pa nga nito na magsinungaling kay Charles para magalit sa kanya ng husto an
