THALIA POV
Kinabukasan, maaga pa lang ay bumangon na ako, dala ang sariwang hangin ng umaga at ang panibagong pag-asa sa puso ko. Tahimik akong nagtungo sa kusina at sinimulang ihanda ang almusal namin ni Caspian. Habang naghihiwa ako ng mga gulay para sa omelet at nagluluto ng sinangag, nakarinig ako ng mahihinang kaluskos mula sa itaas hudyat na naliligo na si Caspian. Kailangan kong bilisan ang paghahanda dahil bago ako umalis, gusto kong ma-acupuncture ko muna siya. Mahalaga iyon para sa kanyang paggaling, at pagkatapos ay si Jacob na lang ang magiging gabay niya sa paglalakad.
Hindi pa rin talaga lubos na maisip ng isip ko ang lahat ng nangyayari. Ang pagiging handa ni Caspian na gawin ang lahat para sa akin, lalo na ang paglipat ni Mama sa Amerika para sa mas magandang paggamot,
