Alexa's POV
Kinabukasan, maaga akong pumasok sa trabaho. Ayokong mag-absent dahil ayokong bigyan ng dahilan si Oliver na sermonan ako. Sa totoo lang, hindi pa rin mawala sa isip ko ang mga sinabi niya kagabi. Galit na galit siya, pero bakit? Wala naman kaming relasyon, pero bakit parang sobrang apektado siya kay Jake?
"Good morning, Alexa!" bati ni Ate Letty nang makita niya akong pumasok sa locker room. "Maaga ka yata ngayon ah."
"Oo nga po, Ate. Gusto ko lang pong matapos agad ang trabaho," sagot ko, sabay ngiti kahit medyo mabigat ang pakiramdam ko.
Habang nagbibihis, bigla akong nakatanggap ng text mula kay Jake.
Jake: Good morning, Alexa! Pasensya ka na kagabi ah. Salamat sa paglabas natin. Nakakagaan talaga ng loob kapag kasama ka.
Napangiti ako sa text niya, pero biglang bumal
