Alexa's POV
Pagpasok ko ng umaga, tahimik ang paligid ng hotel, pero ramdam ko ang bigat ng araw. Ang daming guest, at mukhang hindi na naman magiging madali ang shift ko. Pero ayos lang. Kailangang magtrabaho. Hindi ko puwedeng hayaan na maapektuhan ako ng mga personal na galit ni Oliver.
Habang naglalakad ako papunta sa utility room, napansin kong may dalawang security guard na nagbubulungan sa gilid. Hindi ko na lang pinansin, pero nang makalapit ako, narinig ko ang isa sa kanila.
“Si Miss Alexa daw ang huling nakita sa storage room kagabi. Baka siya ang kumuha…”
Ano? Ano raw? Biglang bumilis ang t***k ng puso ko. Agad akong tumigil at lumapit. “Anong sinasabi n’yo?” tanong ko, kahit kinakabahan na ako.
Tumingin sa akin ang isa sa kanila, pero mukhang nahihiya itong magsalita. “Mis
