Alexa's POV
Maagang-maaga pa lang ay parang pagod na ako. Hindi ko alam kung bakit parang lahat ng tao sa hotel, gustong-gusto akong subukin. Mula kay Sir Oliver hanggang kay Olivia, pati na rin sa mga empleyado, parang ako ang naging punching bag ng araw-araw nilang stress.
Pagdating ko sa pantry, naupo ako sa isang sulok at sinubukang kumalma. Nagbitbit ako ng kape, pero sa totoo lang, gusto ko na lang sanang magtago buong araw.
“Alexa,” tawag ni Ate Letty, biglang lumapit at nakangisi.
Napatingin ako sa kanya. “Ano na naman, Ate? Wag mong sabihing may isa pang special guest na kailangang asikasuhin.”
Tumawa siya, pero halatang may itinatago. “Wala naman. Pero…” Tumigil siya, parang pinapabitin ako.
“Pero ano?”
“Parang napansin kong kanina, habang nag-aasikaso ka sa lobby, panay a
