ALEXA'S POV
Pagkatapos kong ibigay kay Sir Oliver ang report, mabilis akong umalis sa opisina niya. Pakiramdam ko ay parang hinabol ako ng mga mata niya habang naglalakad ako palabas. Bakit ba ganito? Bakit kahit anong pilit kong iwasan, lagi na lang akong napapadpad sa lugar niya?
Pagdating ko sa utility room, bumuntong-hininga ako at sinubukang pakalmahin ang sarili. Pero kahit anong gawin ko, bumabalik pa rin sa isip ko ang mukha ni Sir Oliver. Yung malamig niyang ekspresyon, yung paraan ng pagtitig niya sa akin, parang lagi akong nasusubukan.
"Alexa, okay ka lang ba?" tanong ni Ate Letty na biglang sumulpot mula sa likuran.
"Ha? Oo naman, Ate. Bakit mo naman natanong?" tanong ko, pilit na ngumiti.
"Eh kasi, kanina pa kita napapansin na parang lutang. May problema ka ba?"
Umiling
