Buong gabi akong hindi nakatulog nang maayos kaya ito ako ngayon at literal na sabog— hindi lang ang diwa kung hindi pati na rin ang pagmumukha.
"Para kang na-gang bang," puna sa akin ni Brylle habang nakangiwing nakatingin sa akin. "Huwag mong sabihin sa akin na hindi ka nakatulog nang maayos kagabi, dahil sa nalagay na sa listahan ng mga hindi dapat pagkatiwalaan si Fafa Aro?"
Inismiran ko siya at padabog na umupo sa couch ng opisina niya. Nandito kami ngayon sa office ni Brylle sa Union TV. Wala naman kaming ibang tinatambayan kapag hindi busy sa trabaho.
Pero ngayon lang itong napapadalas ako rito sa opisina niya. Minsan ay nandoon ako sa dressing room ko. Maraming nakaabang na mga reporter doon kaya dito ako sa opisina ni Brylle naglalagi.
"Ano bang napag-usapan ninyo ni Fafa Aro
