CHAPTER 40
Nang magising ako, natagpuan ko ang akin sarili sa ‘di pamilyar na kuwarto. Nakakasiguro ako na ‘di ‘to ospital at hindi rin ‘to ang kuwarto ng mga kakilala ko sa buhay. Ang mga ala-ala ng mga nangyari ilang minuto bago ‘ko magising ay unti-unting pumasok sa isipan ko kasabay ng pagkirot nito.
Si Marco. Siya ang nagdala sa’kin dito.
Napayakap ako sa sarili ko na nagtagumpay ang lalaking tinatakasan ko sa binabalak niya sa’kin. Naging maingat naman ako sa mga naging aksyon ko ngunit planado ang lahat. Sana lang ay ma-track ni Kaleo ang phone ko.
Tahimik ang kuwarto, maski na rin ang paligid. Kulay asul ang pader at isang kahoy na cabinet lamang ang nandito sa kuwarto bukod sa kama. ‘Di hamak na bahagyang mas malaki ang kuwarto ko rito.
Umangat ako mula sa pagkakahiga. Ang
