Tumahan ang mga bata. Pinahiga ni Patricia sa loob ng crib ang anak na lalaki. Hawak nito ang feeding bottle habang dumedede. Ang anak naman na babae ay tila ayaw ng bumitaw mula sa pagkandong ni Bryan. Mahigpit ang pagkapit ng munting mga braso nito sa leeg ni Bryan.
Marahan nitong hinahaplos ang likod ni Bria habang panay ang paghalik nito sa noo at tuktok ulo ng kanyang anak. Napapakurap na tinititigan niya si Bryan at ang kanyang anak na babae, habang patuloy sa pagpatak ang mga luha niya. Nagtataka at nahihiwagaan siya sa kinikilos ni Bryan at maging sa reaksyon nang anak na si Bria.
Sa unang tingin ay tila mag-ama ang dalawa. Sa mga sandaling ito alam niyang alam na ni Bryan ang totoo. Ang tanging gagawin na lang niya ay ang sabihin ang totoong nangyari sa kanya. Ano man ang magin
