Napabalikwas ng bangon si Bryan ng mapagtanto na wala na sa tabi niya ang asawa. Walang paglagyan ang kaba niya. Agad na bumaba siya ng kama at tila kidlat sa bilis na lumabas ng silid at tuloy-tuloy na bumaba.
“Patricia! Patricia!”
Walang sumasagot sa tawag niya. Dumadagundong ang dibdib na napalinga siya sa paligid. Hanggang sa umabot sa kanyang pandinig ang kalansing na mga tunog mula sa kusina.
Natigil siya at kapagkuwan ay hindi napigilan ang sarili na magpakawala ng mahinang tawa. Nasa kusina ang asawa niya. Naalala niya. Nagpaluto pala siya rito ng sinigang na hipon. Siguradong maaga itong nagising upang ipagluto siya.
Agad na humakbang siya tungo sa kasina. Mas lalong lumapad ang pagkapuknit ng kanyang mga labi ng makita ang asawa. Nakasuot na ito ng damit. Ngunit sigurado si
