Maya-maya pa ay nagsalitang muli ang dambuhalang halimaw na Mutated Giant Black Bear na si Dark 1. Tila ba nawalang muli ang naiisip nito at muling nagwika.
"Pasensya na Pinuno, masyado lamang akong nadala ng aking emosyon. Masyado nga kaming mahina at sa pamamagitan mo lamang ay magtatagumpay kaming lubos sa aming minimithing pamumuno sa mundong ito. Patawarin mo ako Pinunong Valc." Sambit ng dambuhalang halimaw na nakatalikod sa binatang lalaking si Valc Grego. Makikitang nakapaskil pa rin ang malademonyong pagngisi nito sa kaniyang mga labi.
Sa totoo lang ay pinagtiya-tiyagaan niya lamang ang pesteng binatang lalaking si Valc Grego lalo na at hindi niya naman ito kaano-ano o kakilala man lang. May saltik sa utak siguro ang binatang lalaking nakasuot ng kulay itim na maskarang ito. Fr
