BLAZE
Nasa practice kami ng tawagan ako ni Sophie sa telepono, nagtaka ako nun dahil ang aga at alam kong nagpapahinga siya sa kanila. “Kayo muna,” ani ko tsaka sinagot ang tawag ni Sophie sa telepono. “Ang aga naman, ba't ka napatawag?” tanong ko, nakakapagtaka kasi may kailangan ba ‘to o ano?
“Nasa A.D 1 ka ‘di ba?” tanong niya kaya mas lalo akong nagtaka kung bakit niya alam.
“Oo, bakit?” tingin ko sa paligid kung nasaan siya. “Bakit mo alam?” pero nang makita kong wala siya ay binalik ko ang tingin ko sa harapan habang hawak ang telepono na nasa tenga.
“Malamang, isa rin akong talent dito sa Starfield alam ko kung saan ang lungga ng iba pang talent,” mataray na sabi niya kaya hindi na ako nakapagsalita. “Anyway nasa A.D 2 ako ngayon dahil sa audition ngayon,” ani Sophie at tumingi
