MICHAEL POV
"AKALA KO BA MAG-IINOM TAYO?" Napaangat ako ng tingin mula sa basong kanina ko pa pinaiikot-ikot sa mesa nang magsalita si Warren.
Nandito kaming dalawa sa isang bar, malapit sa hospital na pinagtatrabahuhan niya. Niyaya ko sila ni Nicho, pero hindi nakasama ang isang 'yon dahil may meeting daw siya sa kliyente niya.
"Iinom ba tayo o tutulala ka na lang?"
"Iinom siyempre." Sagot ko, saka tinungga ang laman ng baso ko at muling nagsalin ng alak.
Napailing-iling ito habang nakatingin sa akin.
"Bakit ganiyan ka makatingin?"
"Anong problema mo at stress na stress na naman 'yang mukha mo?"
"Marami."
"Tulad ng?" Usisa niya.
"Sa negosyo, kay Mico at sa mga tauhan ko." Marahas akong napabuntong-hininga.
Isang linggo ng sumasakit ang ulo ko dahil sa sunod-sunod na
