KEIRA CERVANTES POV
"A-Anong nangyari kay Mico?" tanong ko kay Mildred pagbukas ko ng pinto.
"Nagising, eh. Hinahanap ka. Alam mo naman 'yon palaging gustong nararamdaman ka niya sa tabi niya," sagot niya.
Medyo kinabahan ako nang hagurin niya ng tingin ang kabuuan ko.
Okay ba ang hitsura ko o mukhang may ginawang milagro? Tanong sa isip ko na nabigyan agad ng sagot nang magsalita si Mildred.
"Bakit pawis na pawis ka? Anong ginawa mo?" Usisa niya.
"Ha? Pawis na pawis ako?" Sinalat ko ang noo ko, pawisan nga ako kaya pasimple kong pinahid.
"Nag-ano ka ba? Bakit pawisan ka, e gabing-gabi na?" Pasimple pa itong sumilip sa loob ng kuwarto ko. Tila may gustong makita.
Nanlaki ang mga mata ko nang pagtingin ko sa ibaba ng kama ay nakiya kong nakalabas ang mga paa ni Michael. Naku
