Matapos mag-umagahan at tumulong saglit sa kusina, naiwang mag-isa si Alex sa bahay nang umalis na rin ang mga kasambahay. Pinasok muna niya ang bulaklak na bigay ni Chester sa kanyang opisina bago magpasyang puntahan naman ang opisina ni Rick. May sadya siya roon, at alam niyang naroon pa iyon.
Agad niyang binuksan ang drawer kung saan niya nakita ang annulment paper nila ni Rick. Napasinghap siya noong tumambad muli sa paningin niya iyon.
Nanginginig ang kanyang mga kamay habang pinupulot ang envelope. Balak niyang kunin iyon at itago. Ibibigay niya iyon sa tamang panahon. Kapag tapos na ang panahong napag-usapan nila ng asawa. Kapag handa na niya itong pakawalan. Kapag pagod na siyang masaktan.
"Akin ka muna. Panghahawakan muna kita," ika niyang nanginug pa ang labi dahil tila may t
