Napaslang ni Aihara ang natirang Goblin ng walang kahirap-hirap. Ngunit isang katanungan ang nagpapagulo ng ispan ko ngayon, P-paano? Paano siya napunta dito ng ganun kabilis? A-ang layo nilang dalawa ni Ruri sa Bata at kung titignan, halos mas malapit pa kami ni Eurika dito ... kaya paano?
Umiyak ang paslit dahilan para makuha niya ang mga tingin namin. At ang hindi namin inaasahan at ang kanyang pagyakap kay Aihara "N-natatakot ako. N-natatakot ako!" pag-iyak ng paslit sa dibdib ni Aihara habang ang higpit ng yakap nito sa kanya.
Hindi ko inaasahan ang sumunod na ginawa ni Aihara. Hinaplos nito ang ulo niya at pinunasan ang luha nito na halos hindi na tumigil na tumulo "Ayos na ang lahat. Ligtas ka na. Huwag ka mag-alala, nandito na kami. Pasensiya at nahuli kami ng dating, kung maaga-
