Mia’s POV
Nagulat ako. Napatayo ako mula sa pagkakaupo. “Anong ibig mong sabihin, Manang Yoll?” tanong ko habang gulat na gulat sa biglaan niyang pagtatanong. Hindi ko alam kung saan nanggagaling ang ganitong klase ng akusasyon niya kay mama.
“Si Madam Ofelia…” patuloy ni Manang Yoll na tila nagdadalawang-isip kung itutuloy ang sasabihin. “…para kasing may gusto siya kay Giyo, hindi ba? Ramdam ko ‘yon. Lalo na’t madalas siyang nagpapatulong kay Giyo sa bahay. Baka, Mia, baka ang mama mo ang dahilan kung bakit namamatay ang mga babae na malalapit kay Giyo. Kasi, alam mo, kapag nagtatrabaho si Giyo sa kuwarto niya, nandoon lang din si Madam Ofelia. Ang tagal niyang nandoon, eh dati nga kahit kaunting amoy ng pintura ay ayaw niya. Saka, hindi mo ba napapansin na parang ang tagal magpintu
