CHAPTER 33
“ZIAMBER, kanina ko pa napapansin na nawawala ka sa focus. Sigurado ka bang ayos ka lang?” tanong ni Mommy Pitchie kay Ziamber nang mag-break sila mula sa dalawang oras na pagtetraining. “Hindi mo kailangan gawin ito, okay?” Hinawakan nito ang kanang kamay niya saka iyon bahagyang pinisil.
Ngumiti siya rito. “Ayos lang po ako. Kailangan kong gawin ito dahil pakiramdam ko, nawawala na talaga ako sa linya ko.” Bumalatay ang lungkot sa kaniyang mukha dahil iyon naman talaga ang nadarama niya. Pakiramdam niya ay ibang-iba na siya. Aaminin niyang naging malaki ang impact sa buhay niya ng pagiging ‘Almira’.
Dalawang linggo ang mabilis na dumaan mula nang makabalik siya sa sarili niyang condo unit at nang makabalik sa pagiging modelo. Malaki ang pagbabagong nangyari sa paligid niya
