CHAPTER 31
MAHIGPIT ANG hawak ni Ziamber sa hawak niyang resignation letter habang nakatayo siya sa harapan ngayon ni Luna. Lihim siyang napaismid at gusto niyang manabunot na lang dahil sa nakikita niya sa harapan. Parang inaasinan iyong puso niya pero imbis na masaktan, nagagalit siya sa nakikita.
Si Luna, may kandong na babae habang may pinipirmahan. Ang nakakainis pa, si Trix iyon halatang gustong-gusto ang atensyon na nakukuha mula kay Luna. Humugot siya ng malalim na hininga bago nilapag ang resignation letter niya sa ibabaw ng mesa nito.
Nagkatinginan sila ni Trix na tinaasan siya ng kilay.
‘Kalma, Zia. Huwag mo papatulan ang babaeng iyan dahil hindi mo siya ka-level. Ito naman na ang huling beses na makikita mo siya.’
Huminga siya ng malalim bago nilipat ang tingin kay Luna n
