CHAPTER 30
NANG MATAPOS silang mamasyal sa halos buong maghapon, nakaramdam ng matinding pagod sina Ziamber at Luna. Hindi na rin kayang magmaneho si Luna kaya naman kumuha na lang sila ng isang kwarto sa hotel na nakita nila kanina. Mabuti na lang din at nagbaon sila ng extra damit kaya naman nakapagpalit ng suot.
“Anong gusto mong kainin?” tanong ni Luna habang nakatingin sa menu ng hotel. Nasa loob sila ng hotel room nila at kasalukuyang namamahinga. Bababa lang sila maya-maya dahil kakain sila ng hapunan.
Sandali siyang nag-isip. Nasa harapan siya ng vanity table at kasalukuyang naglalagay ng serum sa mukha. Tumayo siya saka lumapit kay Luna upang silipin ang menu na hawak nito. “Tingin nga,” aniya. Mabilis niyang pinasadahan ng tingin ang nakasulat sa menu. “Parang ang sarap ng sin
