Jordan
Nakaupo ako sa isang eleganteng sofa dito sa reception area ng Dela Merced Development Corporation habang hinihintay si Johnny.
Kung susuriin ang buong lugar na ito ay halatang halata na nakakaangat ito kaysa sa ibang building na napasok ko. Napakagarbo ng napakalaking signage ng kumpanya ni Johnny na gawa sa Fabricated Mirror Polished Gold. Bongga!
Ang inuupuan ko ay isang Modern Bonded Leather Sectional Sofa with built-in side bookshelf pa! Kaloka! Napakasosyal at halatang mamahalin!
Nakadagdag sa kabang nararamdaman ko ang napakalamig na centralized aircon ng buong lugar. Josko po!
Napayakap ako sa magkabila kong braso dahil sa lamig. Parang hindi tuloy ako sanay sa lamig dahil sa nararamdaman ko ngayon, kasi nga sobrang kabado ako kaya nangangatog ang buo kong katawa
