Binilisan ni Islao ang pagpapatakbo ng kotse dahil pinapaulanan na sila ng bala. Mabilis naman na kinuha ni Lady Abby ang 9mm pistol na nakasuksok sa tagiliran ni Islao at pinaputukan ang puting kotse na nakasunod sa kanila. Pinatamaan niya ang gulong niyon kaya agad na na-flat.
"No sweat!" pagmamayabang ni Lady Abby saka hinipan ang dulo ng hawak na b*ril. "Mga mahihinang nilalang. Napakadaling talunin ng mga hinayupak."
Mabilis pa rin ang pagpapatakbo ni Islao. Wala masyadong tao sa kalsada kaya labis ang kaba nito dahil baka may iba pang grupo ang nakasunod sa kanila. Ilang beses na niyang naka-engkuwentro ang mga kalabang grupo sa mismong lugar na iyon. Kapag may nangyaring masama kay Lady Abby ay siya ang mananagot kay Don Redentor. Kailangang unahin niya ang kaligtasan ng dalaga ba
