Tatlong araw ang lumipas at sa loob ng mga araw na iyon ay walang tigil si Islao sa pamba-blackmail kay Lady Abby. Hindi naman makapalag ang huli sa takot na baka bigla na lang magsumbong kay Don Redentor ang sipsip na kanang kamay. Kaya para walang gulo, ay nananahimik na lang si Lady Abby at itinuon ang atensiyon sa trabaho.
"Ma'am, Mr. Abad's secretary called," bungad ng sekretarya ni Lady Abby. "She cancelled the meeting."
Mula sa binabasang papeles ay itinaas niya ang paningin at tinitigan ang mukha ng kaniyang sekretarya. Napakunot ang noo niya. "Why?"
Ngumiti ito. "Ma'am, his wife is about to give birth to their eldest child via caesarian section. They are now on their way to the hospital."
Agad na lumuwang ang pagkakangiti ni Lady Abby. "Really?" Tuwang-tuwa siya sa nasagap na
